Даврон Мукаррамов анчадан бери ишлаб топган пулларини йиғиб юрган эди. Пулини АҚШ долларига айлантириб қўймоқчи бўлди. Банкда ишлайдиган таниши Венера Гатинага учрашиб, маслаҳат сўради:
— Олти миллионга яқин пулим бор. Шуни долларга айлантирмоқчи эдим, қандай қилсам бўлади? Банкдан ололаманми?
— Сизга маслаҳатим, банкдан олинг. Истасангиз Тошкентдаги бош офисимизда танишларим бор, улар орқали олиб бераман.
— Доллар халқаро тўлов картасига ташлаб берилмайдими? — дея Даврон аёлга саволомуз юзланди.
— Йўқ, сизга нақд 2 минг доллар олиб бераман? — дея Венера қатьият билан гапир-ди.
Узоқ суҳбатдан сўнг Даврон рози бўлди. Бир неча кундан кейин 5 ярим млн. сўмни машинасига солиб Венеранинг ёнига келди.
Пулни кўрган аёл "Кетдик, Тошкентга борамиз" деди. Йўлда Венера кимга қанча доллар олиб бергани, қандай олиб бергани ҳақида оғиз кўпиртириб мақтаниб келди. Даврон эса унга борган сари ишона бошлади.
Улар пойтахтга келишди. Венера бош офисга кириб, ярим соатда қайтиб чиқди. "Пулни бировга беришимиз керак экан" — деди. Сўнг улар шаҳардаги кўпқаватли уйлардан бирининг ёнида тўхташди.
Бундан хавотирга тушган Давронга Венера хавотир олмасликни, улар алдашмаслигини, бу ишни биринчи марта қилмаётганини айтди. Гарчи иккинланса ҳам Даврон пулни узатди.
— Уч кундан сўнг ҳал бўларкан, — деди қайтиб чиққач. — Ўзимнинг минг долларим ҳам бор. Униям олиб кетаман.
Уч кун эмас, уч ой ўтди. Пулдан дарак бўлмади. Даврон алданганини англаб, ҳуқуқни муҳофаза қилувчи органларга ариза ёзди. Суд Венера Гатинани айбдор деб топиб, уни маълум муддатга муайян ҳуқуқдан маҳрум қилди ва энг кам иш какининг 50 баравари миқдорида жарима тайинлади. Шунингдек, ундан Даврон Мукаррамов фойдасига етказилган зарар ундириладиган бўлди.
Manba: www.VaqtQadri.com -Saytdan olindi. Ushbu ma'lumot #vaqtqadri #hikoyalar #sherlar #mazmunlisatrlar #monologlar #hangomalar #latifalar #qiziqarli #savollar #savoljavob dan olindi! < ! > DO'STLARINGIZGA YUBORING:
Супер Новости:
REKLAMA
|